લોકશાહીનો અમૂલ્ય અવસરઃ જાગૃત મતદાર અને અચૂક મતદાન
અબ્રાહમ લિંકને લોકશાહીની સરળ વ્યાખ્યા કરતાં કહ્યું હતું કે લોકો દ્વારા, લોકો વડે અને લોકો માટે ચાલતી સરકાર એટલે લોકશાહી. ગરીબ, તવંગર, ભણેલા, અભણ વગેરે જેવા ભેદભાવ વગર દરેક પુખ્ત નાગરિકને લોકશાહીમાં શાસન ચલાવવાનો કે તેમાં હિસ્સેદાર થવાનો અને સરકારને ચૂંટવાનો અધિકાર મતદાન તરીકે પ્રાપ્ત થાય છે. લોકશાહીની આ જ સાચી લાક્ષણિકતા છે. જાગૃત લોકો અને જાગૃત મતદાર લોકશાહીનો પ્રાણ છે. રાષ્ટ્રપતિ મહાત્મા ગાંધીએ જણાવ્યું છે કે આપણે ગમે તેવું રાજ્યતંત્ર રચીએ, પરંતુ જ્યાં સુધી આપણે આપણું એક નાગરીક તરીકેનું કર્તવ્યપાલન અને મૂલ્યાંકન સમજી તેનો નિર્ભિક રીતે ઉપયોગ નહીં કરીએ, ત્યાં સુધી સાચુ સ્વરાજ અશક્ય છે. આથી જ લોકશાહીમાં નાગરીકોનેુ મતાધિકાર પ્રાપ્ય છે. જાગૃતિ સાથે પવિત્ર ફરજ સમજી મતદાન કરવું, એ લોકશાહીમાં આદર્શ નાગરીકનું કર્તવ્ય છે. નાગરીકોએ હક્કો અને અધિકારો ભોગવવાની સાથો-સાથ કર્તવ્યપરાયણ બનવામાં પાછા પડવુ ન જોઇએ. મતદાન જેવા કર્તવ્યપાલન થકી જ લોકશાહી પ્રાણવાન અને મજબુત બને છે. એ પ્રત્યેક નાગરીકે સમજવાની અને અન્યોને તે માટે પ્રેરણા આપવાની ફરજ છે. ભારતમાં પ્રજાસત્તાક લોકશાહી અને ...